قانون نافذ کرنیوالے ادارے کا اولڈ کلفٹن میں چھاپا ،بھاری اسلحہ برآمد

کراچی میں اولڈ کلفٹن میں قانون نافذ کرنے والے ادارے نے چھاپہ مار کر بھاری تعداد میں اسلحہ برآمد کرلیاہے۔ ملنے والے اسلحے کا مقدمہ درج بوٹ بیسن تھانے میں درج کرلیا گیا ہے۔

ذرائع نے بتایا کہ برآمد ہونے والا اسلحہ سابق چیئرمین فشرمین کوآپریٹو سوسائٹی نثار مورائی کا ہے۔

برآمد ہونے والے اسلحے میں 7 ایم فور رائفلز، 6 سب مشین گن، 2 سیون ایم ایم رائفلز، 2 پوائنٹ 223 رائفلز،4 بارہ بور، ایک جی تھری اور ایک ٹرپل ٹو رائفل ،2 نائن ایم ایم پستول سمیت 4 پستول بھی برآمد ہوئے ہیں۔ چھاپے کے دوران 2 پولیس کیپ اور 2 خنجر بھی برآمد ہوئے ہیں۔

ذرائع نے بتایا کہ نثار مورائی سے متعلق اسلحے کی برآمدگی کا معاملہ دبانے کیلئے پولیس پر دباؤڈالا جا رہا ہے-

نثار مورائی کو سابق صدر آصف علی زرداری کا فرنٹ مین سمجھا جاتا ہے۔ سابق چیئرمین اسٹیل مل سجاد حسین قتل کیس میں آصف زرداری اور نثار مورائی ملزم نامزد تھے۔سجاد حسین قتل کیس میں آصف زرداری کو عدالت بری کرچکی ہے-

نثار مورائی کی 17 اکتوبر 2016 کو سجاد حسین قتل کیس میں ضمانت منظور ہوئی تھی۔آئی جی سندھ کا چھاپے اور نثار مورائی سے متعلق اسلحہ برآمدگی سے لاعلمی کا اظہار کیا ہے۔

ایس ایس پی ساوتھ ثاقب میمن کے مطابق اولڈ کلفٹن سے برآمد اسلحے کا مقدمہ بوٹ بیسن تھانے میں درج کیا گیا ہے۔ اسلحہ بوٹ بیسن میں واقع ٹیلیفون ایکسچینج کے قریب کچرے سے برآمد ہوا ہے اور اسلحے کی ملکیت کے بارے میں ابھی کچھ پتہ نہیں چل سکا ہے۔

Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

اپنا تبصرہ بھیجیں