عوام کی خدمت کیلئے تیارہوں،پارٹی قیادت جو فیصلہ کرے گی قبول ہوگا، مراد علی شاہ

رینجرز اختیارات سے متعلق سمری پر موجودہ وزیراعلیٰ ہی دستخظ کریں گے،وزیر خزانہ سندھ

کراچی(پی ایف پی)وزیرخزانہ سندھ مراد علی شاہ کو صوبے کا نیا وزیراعلی بنانے کا فیصلہ کرلیا گیا ہے جن کا کہنا ہے کہ عوام کی خدمت کے لئے تیار ہوں اور پارٹی قیادت جو فیصلہ کرے گی وہ منظور ہوگا۔
دبئی سے کراچی پہنچنے پر میڈیا سے بات کرتے ہوئے مراد علی شاہ کا کہنا تھا کہ بلاول بھٹو زرداری نے اہم اجلاس طلب کیا ہے جس میں اہم فیصلے ہونے ہیں تاہم دبئی میں ہونے والے پارٹی اجلاس میں بھی کئی اہم فیصلے کئے گئے ہیں اور رینجرز اختیارات سے متعلق سمری پر موجودہ وزیراعلی ہی دستخظ کریں گے۔
وزیرخزانہ مراد علی شاہ سے جب پوچھا گیا کہ انہیں صوبے کا نیا وزیراعلی بنانے کا فیصلہ کرلیا گیا ہے جس پر ان کا کہنا تھا کہ پارٹی قیادت جو فیصلہ کرے گی وہ منظور ہوگا۔سید مراد علی شاہ 8 نومبر 1962 کو کراچی میں پیدا ہوئے اور 1986 میں
انہوں ے این ای ڈی انجینئرنگ یونیورسٹی سے تعلیم مکمل کی جس کے بعد اعلی تعلیم کے لئے وہ امریکا چلے گئے جہاں اسٹینفورڈ یونیورسٹی سے اکنامک سسٹم اور سول اسٹرکچر انجینئرنگ کی ڈگریاں حاصل کیں۔
سید مراد علی شاہ کے والد سید عبداللہ شاہ سندھ کے معروف سیاستدان تھے جو بے نظیر بھٹو کے دوسرے دور حکومت (1993 سے 1996) میں سندھ کے وزیراعلی رہے۔مراد علی شاہ نے اپنے شعبے میں کئی پرائیوٹ ملازمتوں کے بعد پہلی مرتبہ 2002 میں انتخابی سیاست میں قدم رکھا اور رکن اسمبلی منتخب ہوئے جس کے بعد 2008 میں جامشور سے صوبائی رکن اسمبلی منتخب ہونے کے بعد وزیرخزانہ کا منصب سنبھالا۔ 2013 کے عام انتخابات میں حصہ لینے کے لئے انہیں دوہری شہریت ترک کرنا پڑی اور ایک مرتبہ پھر وہ اپنی نشست پر کامیاب ہوکر سندھ کابینہ میں وزیرخزانہ کی حیثیت سے خدمات انجام دے رہے ہیں۔

Leave your vote

0 points
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

اپنا تبصرہ بھیجیں